პოლონეთი რუსეთს და მის მოკავშირე ბელარუსს ადანაშაულებს მიგრანტების გამოყენებაში "ჰიბრიდული ბრძოლის" კამპანიის ნაწილად, ევროპის დესტაბილიზაციის მიზნით. უკრაინაში ომის გამო შექმნილი დაძაბულობის ფონზე, პოლონეთი შიშობს, რომ განმეორდება 2021 წლის კრიზისი, როცა ბელარუსიდან საზღვრის გადაკვეთა სცადა ათასობით აფრიკელმა და ახლო აღმოსავლელმა მოგრანტმა.

მაშინ მინსკი უარყოფდა ამ ვითარების შექმნას, ქვეყანაში იმ პირთა ჩაყვანით, რომლებსაც ევროკავშირში შეღწევა სურდათ - და ვარშავასა და ბრიუსელს ადანაშაულებდა ჰუმანიტარულ კრიზისში, რომელსაც რამდენიმე მიგრანტის სიკვდილი მოჰყვა საზღვრის მიმდებარე ტყეებში.

ბლაშჩაკის თქმით, საზღვარი უნდა დაიკეტოს საიმისოდ, რომ პოლონეთმა თავი უსაფრთხოდ იგრძნოს. თავდაცვის მინისტრი ამბობს, რომ მან ბრძანება გასცა საზღვრის გასწვრივ, 210 კილომეტრის სიგრძის მონაკვეთზე აიგოს დროებითი ბარიერი.

სამუშაოები დაიწყო ოთხშაბათს და 2023 წლის ბოლოს უნდა დასრულდეს.