ადგილობრივი მედიის ინფორმაციით, ინდოეთის გუჯარატის შტატის ქალაქ მორბიში სამძებრო-სამაშველო ოპერაციის ფარგლებში მაშველებმა 177 ადამიანის გადარჩენა შეძლეს, რამდენიმე ადამიანს ამ დრომდე ეძებენ.

გასული ღამის განმავლობაში მდინარე მაჩჰუში ჩავარდნილი მოქალაქეების ძებნის ოპერაციაში „კატასტროფებზე რეაგირების ეროვნული ძალების“ ხუთი გუნდი იყო ჩართული. შტატის ხელმძღვანელობის განცხადებით, ინციდენტთან დაკავშირებით აღძრულია სისხლის სამართლის საქმე და გამოძიება მიმდინარეობს.

230-მეტრიანი ისტორიული ხიდი მე-19 საუკუნეში, ბრიტანეთის მმართველობის დროს აშენდა. რემონტის გამო, ხიდი ექვსი თვის განმავლობაში იყო დაკეტილი და გასულ კვირას გაიხსნა.