კიევის მერის, ვიტალი კლიჩკოს ინფორმაციით, მაშველებმა გადაარჩინეს 18 ადამიანი. უკრაინის ხელისუფლების ცნობით, დღეს დილიდან კიევში 4 აფეთქება მოხდა.

უკრაინის არმიის საჰაერო ძალების „ცენტრის“ სარდლობის ინფორმაციით, რუსმა სამხედროებმა კიევზე ე.წ. კამიკაძე-დრონებით შეტევა სამხრეთიდან განახორციელეს. სარდლობის ცნობით, სარაკეტო-საზენიტო ქვედანაყოფებმა და ავიაციამ გაანადგურეს 9 უპილოტო საფრენი აპარატი, ხოლო სახმელეთო ძალების ჰაერსაწინააღმდეგო თავდაცვის სისტემამ ჩამოაგდო სულ მცირე 2 „კამიკაძე-დრონი“.