ჩრდილოეთ კორეამ იაპონიის მიმართულებით საშუალო მანძილზე მოქმედი ბალისტიკური რაკეტა ისროლა
როგორც „ბიბისი“ აღნიშნავს, ეს პირველი შემთხვევაა 2017 წლის შემდეგ, როდესაც ფხენიანმა იაპონიის თავზე რაკეტა გაუშვა. იაპონიის ხელისუფლების ცნობით, რაკეტა წყნარ ოკეანეში, იაპონიის სანაპიროდან დაახლოებით სამი ათასს კილომეტრში ჩამოვარდა.
იაპონიის პრემიერ-მინისტრმა, ფუმიო კიშიდამ მკაცრად დაგმო ჩრდილოეთ კორეის ქმედება და ამას ძალადობრივი ქმედება უწოდა.
იაპონიის მთავრობამ რაკეტის გაშვებასთან დაკავშირებით უშიშროების საბჭოს სხდომა მოიწვია. ეს ბოლო ერთი კვირის განმავლობაში ფხენიანის მიერ გაშვებული მეხუთე რაკეტაა. გასულ შაბათს ორი რაკეტა ჩამოვარდა ზღვაში, იაპონიის ეკონომიკური ზონის სიახლოვეს.
მანამდე, გასულ კვირას აშშ-მა, იაპონიამ და სამხრეთ კორეამ ერთობლივი სამხედრო წვრთნა გამართეს.
სიახლეები
- ,,2025 წელი შეზღუდული თავისუფლების წელია"– საია
- ვის ჩამოეწერება ჯარიმები – მთავრობის გადაწყვეტილება
- ,,ტრამპი დასავლეთში ერთადერთია, ვისაც უკრაინის კრიზისის ძირეული მიზეზები ესმის"- სერგეი ლავროვი
- ,,უკრაინაში აშშ-ის მიერ კონტროლირებადი არჩევნები მარიონეტული სპექტაკლი იქნება"- მარია ზახაროვა
- საპენსიო სქემაში გაწევრიანებულ მონაწილეთა რაოდენობა 1 მილიონ 697 ათასი ადამიანია