შეზღუდვის გაუქმების გადაწყვეტილება მარცვლეულის მოსალოდნელი უხვი მოსავლის გათვალისწინებით მიიღეს.

ყაზახეთის მთავრობის განცხადებით, წელს იგეგმება 13 მილიონ ტონაზე მეტი ხორბლის აღება, რაც წინა წლის მოსავალს 12 პროცენტით აღემატება. შიდა მოხმარებისთვის ქვეყანას დაახლოებით 6,5 მილიონი ტონა სჭირდება. მარცვლეულისა და ფქვილის ექსპორტზე შეზღუდვა 10 სექტემბრიდან გაუქმდება.

ყაზახეთმა მარცვლეულისა და ფქვილის ქვეყნიდან გატანაზე შეზღუდვა 8 ივლისიდან აამოქმედა.

ამასთან, ქვეყანაში დგინდება კვოტები მსხვილ და წვრილფეხა საქონლის ექსპორტზე, რაც 21 იანვრიდან 21 ივლისამდე სრულად იყო აკრძალული.