მაიმუნის ყვავილის გამო აშშ-ის ჯანდაცვის სფეროში საგანგებო მდგომარეობა გამოცხადდა
ამერიკის შეერთებული შტატების მთავრობამ ქვეყანაში მაიმუნის ყვავილის გავრცელების გამო, ჯანდაცვის სფეროში საგანგებო მდგომარეობა გამოაცხადა, რაც დამატებითი ფინანსების მობილიზების შესაძლებლობას მისცემს. მანამდე საგანგებო სიტუაცია გამოცხადებული იყო მხოლოდ რამდენიმე შტატში, მათ შორის, ნიუ-იორკსა და კალიფორნიაში.
აშშ-ში მაიმუნის ყვავილით დაავადების პირველი შემთხვევა მაისში გამოავლინეს. დღემდე ვირუსი დაუდასტურდა 7 ათასამდე ადამიანს.
ვირუსული დაავადების, მაიმუნის ყვავილის გავრცელების ენდემურ ზონად ბოლო დრომდე ითვლებოდა აფრიკის ცენტრალური და დასავლეთ ნაწილი. ბოლო თვეებში დაავადება გავრცელდა სხვა კონტინენტებზეც, ძირითადად, აშშ-სა და ევროპის ქვეყნებში.
2022 წლის ივლისში, ჯანდაცვის მსოფლიო ორგანიზაციამ მაიმუნის ყვავილის აფეთქება საზოგადოებრივი ჯანდაცვის სფეროში საგანგებო მდგომარეობად გამოაცხადა.
სიახლეები
- ,,არანაირი მტკიცებულება არაა, უბრალოდ, ჩაყრილია სხვადასხვა საჯარო გამოსვლა, 20-მდე პოლიციელის ტყუილი ჩვენებები"- ზურაბ ჯაფარიძე
- ,,ელენე ხოშტარიას საკუთარ შვილებზე რომ ეფიქრა, ქვეყანას რევოლუციას არ მოუწყობდა"- ნინო წილოსანი
- ,,ელენე ხოშტარია არანაირი პოლიტიკური ოპონენტი არ არის, ჩვეულებრივი ხულიგანია"- გურამ მაჭარაშვილი
- უნგრეთი უკრაინისთვის გაზის მიწოდებას წყვეტს
- ,,ფარისევლობა არის ის, რომ ვითომ ილია მეორე უყვარდათ და ახლა კი მის არჩევანს ასეთ ბინძურ კამპანიაში ხვევენ"- ნინო წილოსანი