„იწყება მართლაც ისტორიული კვირა, როცა ევროკავშირისგან გავიგებთ პასუხს უკრაინისთვის კანდიდატის სტატუსის შესახებ. უკვე გვაქვს ევროკომისიის დადებითი გადაწყვეტილება, კვირის ბოლოს იქნება ევროპული საბჭოს პასუხი“, - განაცხადა გვიან ღამით, ვიდეომიმართვისას პრეზიდენტმა ზელენსკიმ.

მისი შეფასებით, უკრაინა ელოდება 1991 წლიდან ერთ-ერთ ყველაზე მნიშვნელოვან გადაწყვეტილებას და მხოლოდ დადებითი პასუხი შეესაბამება მთელი ევროპის ინტერესებს. უკრაინის პრეზიდენტის თქმით, მოსალოდნელია, რომ რუსეთი სწორედ ამ კვირაში, საჩვენებლად, სპეციალურად გააძლიერებს მტრულ აქტივობას არა მხოლოდ უკრაინის, არამედ ევროპის სხვა სახელმწიფოების წინააღმდეგაც, რისთვისაც მზად არიან და პარტნიორებსაც აფრთხილებენ.