"ნანგრევების ქვეშ გვამების ხრწნის, სასმელი წყლისა და საკვების კატასტროფული დეფიციტის გამო, არსებობს ქოლერის, დიზენტერიისა და ნაწლავის ჩხირის გავრცელების საშიშროება"
უკრაინის ქალაქ მარიუპოლის საკრებულოში აცხადებენ, რომ ქალაქი ეპიდემიების მიმართ დაუცველია იმის გათვალისწინებით, რომ სანიტარული პირობები შემაძრწუნებელია და ათასობით ადამიანი ნანგრევებშია მოყოლილი.
კერძოდ, საკრებულოს განმარტებით, არსებობს ქოლერის, დიზენტერიისა და ნაწლავის ჩხირის გავრცელების საშიშროება.
საკრებულოში აცხადებენ, რომ მოსახლეობას აუტანელ პირობებში უწევს ცხოვრება, რომელიც, ტემპერატურის მატებასთან ერთად კიდევ უფრო უარესება.
„ჰაერის ტემპერატურამ უკვე 20 გრადუსს მიაღწია. ასე რომ, ძლიერი და მომაკვდინებელი ეპიდემიები შეიძლება მალე გავრცელდეს ქალაქში - ცენტრალიზებული წყალმომარაგებისა და სანიტარული სისტემის არარსებობის, ნანგრევების ქვეშ ათასობით გვამის ხრწნის და სასმელი წყლისა და საკვების კატასტროფული დეფიციტის გამო,“- აცხადებენ საკრებულოში.
მარიუპოლის მერის, ვადიმ ბოიჩენკოს თქმით, ოკუპანტები ვერ უზრუნველყოფენ მოსახლეობას საკვებით, წყლით და მედიკამენტებით, ან უბრალოდ არ არიან დაინტერესებული ამით.
„ისინი ბლოკავენ ევაკუაციის ყველა მცდელობას. ამის გარეშე ხალხი დაიღუპება. საჭიროა სასწრაფო და სრული ევაკუაცია“,- აღნიშნა მერმა.
სიახლეები
- "ყველა კრიტერიუმით საქართველო პირველ ადგილზეა, რასაც ევროკომისიის ობიექტური კვლევა აჩვენებს, მაგრამ ფოტიგები, კუბილიუსები, „რაისა - კომუნისტკები“ საქართველოს ამუნათებენ, რატომ?"
- "ისე როგორ მოხდა, რომ ძირითადად „ჯენზის“ მოწამვლის გასაპროტესტებლად, „ჯენზი“ თითქმის არ მივიდა" - მიხეილ სააკაშვილი
- უცხოური ვალუტის ოფიციალური კურსი 9 დეკემბრისთვის
- 2026 წლის მთავარი სიმბოლო ცეცხლოვანი ცხენია - როგორ მოვიპოვოთ მისი კეთილგანწყობა?
- "ჩატარებული გამოძიებით უტყუარად დადასტურდა, რომ „კამიტეს“ გამოყენებას ფიზიკურად ვერ ექნებოდა ადგილი, რადგან მისი შესყიდვა შსს-ს არასოდეს განუხორციელებია"