"ჩვენ ყველა მინიშნება გვაქვს, რომ ისინი მზად არიან შევიდნენ უკრაინაში, შეუტიონ უკრაინას",- განაცხადა ბაიდენმა.

კითხვაზე, სჯერა თუ არა, რომ თავდასხმა მოხდება და როდის, ბაიდენმა თქვა: "დიახ! ჩემი ვარაუდით, ეს მოხდება მომდევნო რამდენიმე დღეში".

აშშ-ის პრეზიდენტის განცხადებით, რუსეთის პასუხები უსაფრთხოების გარანტიებთან დაკავშირებით მიღებულია, მაგრამ ჯერ არ წაუკითხავს.

ბაიდენმა აღნიშნა, რომ სახელმწიფო მდივანი ენტონი ბლინკენი გაეროში დღეს გაემგზავრება. ბაიდენმა დასძინა, რომ "არ აპირებს პუტინთან დარეკვას".