ამის შესახებ ჯანდაცვის მსოფლიო ორგანიზაციის გენერალურმა დირექტორმა, ტედროს ადანომ გებრეიესუსმა განაცხადა.

ჟენევაში ჯანმრთელობის ხელშეწყობის მე-10 გლობალურ კონფერენციაზე გამოსვლისას, მან მთავრობებს მოუწოდა, ხელი შეუწყონ ეკონომიკურ ზრდას, რომელიც ხალხისა და პლანეტის ჯანმრთელობასა და კეთილდღეობაზეა დაფუძნებული.

”როდესაც პანდემია დასრულდება, ჩვენ უფრო დიდი გამოწვევები დაგვრჩება, ვიდრე ეს მის დაწყებამდე იყო: სიღარიბე, შიმშილი, უთანასწორობა, არაინფექციური დაავადებები, კლიმატის ცვლილება და სხვა”, - თქვა ჯანმო-ს ხელმძღვანელმა.

გებრეიესუსის თქმით, „პანდემიამ აჩვენა, რომ თუ ჯანმრთელობას საფრთხე ემუქრება, მაშინ ყველას საფრთხე ემუქრება“. ამ მხრივ ჯანმრთელობის ღირებულების აღქმის „ფუნდამენტური ცვლილებაა“ აუცილებელია.

ჯანდაცვის მსოფლიო ორგანიზაციის დირექტორმა მოუწოდა ყველას, არ მიუდგეს ჯანდაცვას, როგორც "ხარჯს", არამედ როგორც "ინვესტიციას ჩვენს საერთო მომავალში".

"ამავდროულად, სახელმწიფოების ძალისხმევის ფოკუსში უნდა იყოს ჯანდაცვის სერვისებით მოსახლეობის საყოველთაო დაფარვა, რაც სოციალური, ეკონომიკური და პოლიტიკური სტაბილურობის ქვაკუთხედია“, - განაცხადა გებრეისუსმა.