"საბოლოო დასასრული აშკარაა: ქვეყნები COVID-19-ს თავს ვერ დააღწევენ, თუმცა მასთან თანაცხოვრებას ისწავლიან. 

შედეგად მივიღებთ ენდემურ დაავადებას, ეს არის ამა თუ იმ დასახელებულ ტერიტორიაზე დაავადების მუდმივი არსებობა ხანგრძლივი პერიოდის განმავლობაში. უფრო ზუსტად, ეს გულისხმობს იმას, რომ დაავადების გამომწვევი ვირუსი - ამ შემთხვევაში Sars-CoV-2 - ყოველთვის დარჩება მოსახლეობაში და მისი ცირკულაცია გარკვეული პერიოდულობით,  მეტ-ნაკლებად პროგნოზირებად აფეთქებებს გამოიწვევს. 

ერთი რამ ცხადია: ენდემურობაზე გადასვლა სხვადასხვა ქვეყანაში და რეგიონში სხვადასხვა დროს მოხდება", - წერს გამოცემა.

სტატიის ავტორი აღნიშნავს, რომ ადრე თუ გვიან, ყველა ქვეყანა მიაღწევს ენდემურობას. 

"სხვა სიტყვებით რომ ვთქვათ, ეს არის რბოლა ფინიშამდე. ამ ეტაპზე ვაქცინები გვიცავს ინდივიდუალურად და არა კოლექტიურად. მაგრამ ფორმა, რომელსაც მიიღებს ენდემური დაავადება, კოლექტიურად ჩამოყალიბდება. 

Covid-19-ის მომავალი შეიძლება იყოს ისეთივე რბილი, როგორც ჩვეულებრივი გაციებაა, თუმცა გამორიცხული არ არის, რომ უფრო მძიმე ფორმად იქცეს. ნებისმიერ შემთხვევაში, რამდენიმე წლის განმავლობაში იგი დიდ ზეწოლას მოახდენს ჯანდაცვის სისტემებზე”, - ვკითხულობთ სტატიაში.