სააგენტოს ცნობით, თავდასხმა ქალაქ ჯანგებეში, „გოგონათა სამეცნიერო საშუალო სკოლაში“ მოხდა.

ზამფარას შტატის პოლიციის ინფორმაციით, მათ გატაცებული გოგონების გასათავისუფლებლად სამძებრო-სამაშველო ოპერაცია არმიასთან ერთად დაიწყეს.

მომხდარზე პასუხისმგებლობა ჯერჯერობით არავის აუღია.

გასულ კვირას, ნიგერიის ერთ-ერთ სკოლას დაუდგენელი შეიარაღებული პირები დაესხნენ თავს და 42 ადამიანი, მათ შორის 27 მოსწავლე, გაიტაცეს. თავდასხმას ერთი მოსწავლის სიცოცხლე ემსხვერპლა. მედიის ინფორმაციით, გატაცებულები ჯერჯერობით არ გაუთავისუფლებიათ.

გასული წლის დეკემბერში კი ათობით შეიარაღებულმა პირმა ნიგერიის ქალაქ კანკარაში მდებარე სკოლიდან 344 მოსწავლე გაიტაცეს. გატაცებულები 6 დღის შემდეგ გაათავისუფლეს.