ინდაური ალუბლით
ინგრედიენტები:
600 გრამი ინდაურის ხორცი
2 ს/კ ერბო
მომზადების წესი:
ინდაურის ან ქათმის ხორცი დავბეგვოთ, მოვაყაროთ მარილი, დავასხათ ნახევარი ჩაის ჭიქა მაგარი ღვინის თეთრი ძმარი, დავაწყოთ ერბოწასმულ ტაფაზე და შევწვათ. ალუბალს გამოვაცალოთ კურკები, ჩავყაროთ ქვაბში და მოვხარშოთ თავდახურულ თავისსავე წვენში. როდესაც მოიხარშება, გავატაროთ საცერში.
1/2 ჩაის ჭიქა მისივე კურკა დავნაყოთ, დავასხათ 1 ჩაის ჭიქა წყალი და ვხარშოთ 1 საათს, შემდეგ გავწუროთ და ჩავასხათ ალუბლის წვენ-ფაფაში, დავუმატოთ 2 სუფრის კოვზი შაქარი და კვლავ წამოვადუღოთ.
ამ მასაში ჩავუმატოთ 1 ფურცელი ჟელატინის ნაჭერი, კარგად მოვურიოთ და გავაცივოთ. გაცივებული მკვრივი მასა მომცრო ოთხკუთხედებად დავჭრათ. ამავე დროს თეთრი პურის გული დავჭრათ ოთხკუთხედებად, ჯერ რძეში ამოვავლოთ, შემდეგ ათქვეფილ კვერცხში და შევწვათ ერბოდასხმულ, გაცხელებულ ტაფაზე. ლანგარის შუა ადგილას დავაწყოთ შემწვარი ხორცი, ირგვლივ კი შემოვუწყოთ ალუბლის წითელი და პურის თეთრი ოთხკუთხედები. მიირთვით გემრიელად.
წყარო:კულინარია
სიახლეები
- აგვისტოს ომიდან 17 წელი გავიდა
- “აქამდე, რომ მოვედით სწორედ ჩვენი გმირი ხალხის, ჩვენი გმირი ჯარისკაცების, მეომრების დამსახურებაა” - მიხეილ ყაველაშვილი
- “რუსეთს აქვს უკანონოდ ოკუპირებული საქართველოს ტერიტორიების 20% და რა თქმა უნდა, არაფერი არ ამართლებს რუსეთის ქმედებას” - პრემიერი
- “წლების განმავლობაში აღნიშნავდნენ ომის დაწყებას 8 აგვისტოს და 10 წლის თავზე, უცებ გადაწყვიტეს, რომ არა 8 აგვისტოს, არამედ 7 აგვისტოს დაწყებულა ომი, 10 წელი არ იცოდნენ როდის დაიწყო ომი? უტიფრობა, ალოგიკურობა და სირცხვილია „ნაცობა”” - ირაკლი კობახიძე
- “ეს დღე არის ერთი მხრივ ჩვენი გმირების მოგონების და მეორე მხრივ, ჩვენს მომავალზე დაფიქრების დღე” - შალვა პაპუაშვილი