"გილოცავთ! ჩიჩხიტურიც და უდაბნოს მონასტერიც დაკეტილია!"- დავით ქაცარავა
დავით ქაცარავა ფეისბუქის საკუთარ გვერდზე შემდეგი შინაარსის სტატუსს აქვეყნებს:
"გილოცავთ!
ჩიჩხიტურიც და უდაბნოს მონასტერიც დაკეტილია!
დიახ, არც თქვენ და არც მე არ შეგვშლია - გუშინ გაღებული ჩიჩხიტური და უდაბნოს მონასტერი მხოლოდ "გადმოგდებული ძვალი" აღმოჩნდა.
მიზეზად კი უდაბნოს მონასტერში აზერბაიჯანულ მხარესთან დაგეგმილი შეხვედრა სახელდება.
მე კი ვფიქრობ, მიზეზი ხვალ აზერბაიჯანელი აქტივისტების ჩამოსვლა გახლავთ, რომლებიც აზერბაიჯანელების მიერ ახლადგაყვანილი გზით ჩიჩხიტურში შემოსვლას გეგმავენ. ეს აქტივისტები მოდიან იმისათვის, რომ ამოვიდნენ ჩიჩხიტურზე და იქ აფრიალონ აზერბაიჯანული დროშები, რაც პირდაპირი პროვოკაცია გახლავთ.
მოგიწოდებთ ყველას, გარეჯელი მამების დაგეგმილ აქციას შემოუერთდით და ჩამოდით გარეჯში, რათა არ მივცეთ უფლება აზერბაიჯანელ პროვოკატორებს აფრიალონ დროშები ქართულ მიწაზე!
ჩვენ, ანტისაოკუპაციო მოძრაობა "ძალა ერთობაშია" აქ ვართ და აქედან არსად მივდივართ! მოგიწოდებთ თქვენც იგივე გააკეთოთ!
პ.ს. აზერბაიჯანული დელეგაცია მოფრინდა. გუშინ უდაბნოს მონასტერთან შეთანხმებული და აღმართული საქართველოს დროშა მოხსნილია, ალბათ აზერბაიჯანელების არგაღიზიანების მოტივით.
უდაბნოს მონასტერი დარჩება დაკეტილი, ჩიჩხიტურს სავარაუდოდ გახსნიან. ჩვენ აქ ვართ და ფეხსაც არ მოვიცვლით აქედან.
ძალა ერთობაშია!
ბრძოლას ყოველთვის აქვს აზრი!" - წერს დავით ქაცარავა.
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"