„ეკონომიკის თავისუფლების ინდექსში საქართველო უსწრებს ევროკავშირის კანდიდატ ყველა ქვეყანას, აგრეთვე ევროკავშირის და ნატო-ს წევრ 16 სახელმწიფოს“, – წერს კობახიძე სოციალურ ქსელში.

ამერიკულმა კვლევითმა ორგანიზაციამ, „ჰერითიჯ ფაუნდეიშენმა“ 2025 წლის ეკონომიკის თავისუფლების ინდექსი გამოაქვეყნა. ინდექსის მიხედვით, საქართველოს შეფასება 0,6 პუნქტით გაუმჯობესდა, 69 ქულით მსოფლიოში 35-ე ადგილზე გავიდა და ევროპის საუკეთესო ოცეულში მოხვდა.