პრეზიდენტის თქმით, ის მზადაა აღუდგეს ლუგარის ცენტრის ნებისმიერი სახის დისკრედიტაციას.

„მინდა, ხაზი გავუსვა ლუგარის ცენტრის სამუშაოს პანდემიის ყველა ეტაპზე, ის მაღალ შეფასებას იმსახურებს. ჩვენ მზად ვართ, წინ აღვუდგეთ ამ ინსტიტუტის დისკრედიტაციის ნებისმიერ მცდელობას. ჩვენ უნდა შევინარჩუნოთ შედეგები და უნდა ავიცილოთ მეორე ტალღა და რისკი, რომ აღარ მივიღოთ მკაცრი ზომები“, – განაცხადა სალომე ზურაბიშვილმა.

საქართველოს პრეზიდენტი თვლის, რომ ქვეყანამ დიდი სიფრთხილით უნდა იმოქმედოს და ერთბაშად ყველა ქვეყანასთან საზღვრის გახსნა მიზანშეწონილი არაა. 

"ჩვენ სიფთხილით უნდა ვიმოძრაოთ, რაც გულისხმობს იმას, რომ ერთბაშად ყველა საზღვარს არ გავხსნით. მაგალითად, რეგიონში არსებული სიტუაციის გამო, ყველა სახმელეთო საზღვარს არ ვხსნით. ასევე, ჯერ არ მიგვიღია გადაწყვეტილება სექტემბერში სკოლების გახსნასთან დაკავშირებით“,-განაცხადა პრეზიდენტმა.

სალომე ზურაბიშვილის თქმით, კორონავირუსის პანდემიის პირობებში საქართველომ დიდი გამოცდილება მიიღო.