როგორც პრემიერმა მთავრობის სხდომაზე განაცხადა, ბილეთის ფასი 200 ევროს არ უნდა აჭარბებდეს და ჩარტერული რეისები არა ერთი, არამედ რამდენიმე ავიაკომპანიის მიერ უნდა შესრულდეს.

„მივიღეთ გადაწყვეტილება, რომ აღვადგინოთ ის პროგრამა, რომლითაც ევროპის სხვადასხვა ქალაქებიდან გამოგვყავდა ჩვენი თანამემამულეები. ეკონომიკის სამინისტროს აქვს დავალება, რომ ორშაბათისთვის არსებობდეს განრიგი მისაღები ფასებით, არ უნდა იყოს კატასტროფული ფასები. ეს არ უნდა განახორციელოს ერთმა ავიაკომპანიამ, უნდა შეასრულოს რამდენიმე ავიაკომპანიამ,“ - აღნიშნა გახარიამ.