ჯერ ერთი, არაფერი განსაკუთრებული მე არ გამიკეთებია, ამას აკეთებს ყველა საქართველოში - სახლში, ქუჩაში, სამსახურში, ყველა თავის სივრცეში.

ჩემი სივრცე ეს არის. ამიტომაც მე ვაგინე ჩემი ქვეყნის მთავარ მტერს ჩემი სტუდიიდან. არა ჩურჩულით, არა დამალულად, არამედ ყველას გასაგონად, მისსავე ენაზე და თქვენ ნახეთ, მან ეს გაიგონა. ვაგინე იმიტომ, რომ არ მინდა ვიყო ლაჩარი, ჩვენი ქვეყნის ხელისუფლების მსგავსად, რომელიც ფეხის გულებს ულოკავს ოკუპანტს,”-განაცხადა ტელეკომპანია მთავარის გადაცემა "პოსტ ფაქტუმის" წამყვანმა, გიორგი გაბუნიამ, რომელმაც ორი თვის წინ, ჯერ კიდევ ტელეკომპანია რუსთავი 2-ის ეთერში, ვლადიმერ პუტინს დედა აგინა.