„საერთაშორისო საინვესტიციო ფორუმზე“ კახეთში დაგეგმილი ინფრასტრუქტურული პროექტები განიხილეს
წინანდალში მიმდინარე ბიზნეს ფორუმის ერთ-ერთი მთავარი განსახილველი თემა სოფლის მეურნეობა და დაგეგმილი ინფრასტრუქტურული სამუშაოები იყო.
რეგიონში უკვე დაწყებულია მაგისტრალური გზების მშენებლობა, რისთვისაც წელს 132 მილიონი ლარი დაიხარჯება.
მწვანე ენერგეტიკასთან ერთად ეკონომიკის სამინისტრო მზის ელექტროსადგურებზე უახლოეს პერიოდში ტენდერს გამოაცხადებს. ცნობილია, რომ სადგურის მოცულობა 30-დან 50 მეგავატამდე იქნება.
რაც შეეხება მეღვინეობას, გარემოს დაცვისა და სოფლის მეურნეობის მინისტრი ლევან დავითაშვილი ამბობს, რომ ამ დარგის გარდა რეგიონში ზეთის ხილის და კაკლის კულტურის სექტორიც აქტიურად ვითარდება.
მთავრობა თუშეთში გადაადგილების ალტერნატიულ მარშრუტებსაც განიხილავს. მაღალმთიან დასახლებაში საბაგიროსა და აეროპორტის მშენებლობაზე მოლაპარაკებები უკვე დაწყებულია.
ფორუმში 20-ზე მეტი საერთაშორისო და 150-მდე ქართული კომპანია მონაწილეობს. ბიზნესფორუმის მიზანი კახეთის რეგიონისთვის სამომავლო, საინვესტიციო პერსპექტივების განხილვა და საერთაშორისო ინვესტორების დაინტერესებაა. ფორუმი ორდღიანია და ხვალ კულტურულ-შემეცნებითი გასვლითი ტურებით დასრულდება.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა