ოკუპირებული სოხუმის აეროპორტში რეისები ოთხი მიმართულების ნაცვლად, მხოლოდ მოსკოვში შესრულდება
აეროპორტი, რომელიც მიმდინარე წლის 1 მაისს, ოკუპირებულ აფხაზეთში, სოხუმში გაიხსნა, ამ ეტაპზე ფრენებს მხოლოდ რუსეთის ერთი ქალაქის მიმართულებით შეასრულებს.
როგორც მედია აღნიშნავს, აეროპორტმა ფინანსური მოლოდინები ვერ გაამართლა, რის გამოც ოთხი მიმართულების ნაცვლად, აეროპორტი მხოლოდ მოსკოვის მიმართულებით იფრენს. ნოემბრიდან რეგულარული რეისები მოსკოვში მხოლოდ კვირაში ორჯერ შესრულდება.
თვითგამოცხადებული რესპუბლიკის ე.წ. ეკონომიკის სამინისტროს განცხადების მიხედვით, აეროპორტი გადაეწყო “სეზონურ” მუშაობაზე. რაც იმას ნიშნავს, რომ რეისების უმეტესობა გაზაფხულამდე გადაიდო.
გახსნის დღიდან ოქტომბრამდე, აეროპორტის მომსახურებით 118 000-მდე მგზავრმა ისარგებლა, რუსეთის მიმართულებით და უკან 520 რეისი შესრულდა. ეს მონაცემი რვაჯერ ნაკლებია იმ მოლოდინზე, რომელიც გახსნისას ოკუპირებული ტერიტორიის დეფაქტო ხელისუფლებას და რუსეთს ჰქონდა.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა