ანზორ მელიას განცხადებით, ექიმი გიორგი ჩახუნაშვილი, რომელიც 4 ოქტომბრის აქციასთან დაკავშირებით დააკავეს, აქციაზე ყოველთვის მშვიდობიანად დგას ხოლმე და თუ ვინმე უნდა დაისაჯოს „პირველ რიგში ეს კობახიძეა, რომელმაც აიძულა ქუჩაში გამოსვლა“.

„200 კაცი მიუვარდა დამსახურებულ პროფესორს, პედიატრს, კაცს, რომელსაც სიკეთის გარდა ამქვეყნად არაფერი უკეთებია. სირცხვილია, რასაც ეს მთავრობა ამბობს: ჯგუფური რაღაცო [ძალადობის ორგანიზება და მოწოდება]. რა ჯგუფური, კაცი მშვიდობიანად დგას ხოლმე რუსთაველზე და იბრძვის ევროპული მომავლისათვის. თუ ვინმე დამნაშავეა ამ ქვეყანაში, თუ ვინმე უნდა დაისაჯოს, პირველ რიგში ეს კობახიძეა, რომელმაც აიძულა ქუჩაში გამოსვლა აქ დგომა“.