თბილისობის აღნიშვნა 3 439 500 ლარი ჯდება
დღეს და ხვალ, 20 და 21 სექტემბერს დედაქალაქში თბილისობა აღინიშნება. ბიუჯეტიდან დაგეგმილი ღონისძიებებისთვის 3 439 500 ლარი დაიხარჯება. ისე, როგორც გასულ წლებში, წელსაც ხელშეკრულებები ტენდერის გარეშე დაიდო.
ღონისძიებების დიდი ნაწილი დაგეგმილია რიყის პარკსა და ორბელიანის მოედანზე. გაიმართება საბავშვო კონცერტები და გასტრონომიული ფესტივალი.
დღეს, 20:00 საათზე ცერემონიალების სასახლეში (ყოფილი საპრეზიდენტო რეზიდენცია ავლაბარში) გაიმართება საპატიო თბილისელების დაჯილდოება, დასკვნითი ღონისძიება - გალაკონცერტი კი ხვალ, 20:00 საათზე ევროპის მოედანზე („რიყის პარკში).
ვინ იმღერებს კონცერტზე უცნობია.
თბილისის მერია საახალწლო და სხვა სადღესასწაულო ღონისძიებებს ვეღარ მართავს თბილისის ცენტრალურ გამზირზე - რუსთაველსა და რესპუბლიკის მოედანზე გასული წლის 28 ნოემბერს დაწყებული უწყვეტი საპროტესტო აქციების გამო, რომლის მთავარი მოთხოვნაა ახალი საპარლამენტო არჩევნების გამართვა და დემონსტრაციებზე სისხლის სამართლის წესით დაკავებულების გათავისუფლება.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა