დადგენილება, რომელსაც ხელს აწერს პრემიერ-მინისტრი ირაკლი კობახიძე, არ ვრცელდება საქართველოს ეროვნული ბანკის ზედამხედველობას დაქვემდებარებული პირების წინაშე შესასრულებელ ფინანსურ ვალდებულებებზე. ამასთანავე, დადგენილება არ გავრცელდება სამსახურებსა და მოსამსახურეებზე, რომელთა ფუნქციების შესრულება გადაუდებელ აუცილებლობას წარმოადგენს.

უქმე დღის მიუხედავად, დღეს თბილისის ცენტრალური, ბათუმის №1 და ქუთაისის იუსტიციის სახლები 09:00 საათიდან 18:00 საათამდე იმუშავებს. აღნიშნული ფილიალებიდან დაჩქარებულ რეჟიმში, მხოლოდ პიროვნებასთან დაკავშირებული ძირითადი სერვისები გაიცემა. დღეს ასევე გაიცემა მზა დოკუმენტები როგორც მატერიალური, ისე ელექტრონული სახით.

29 აგვისტოს სტანდარტული გრაფიკით იმუშავებს ქორწინების სახლები და სატელეფონო ცენტრიც.