კონვენციით დაცული ფრინველების - გავაზებისა და სონღულების ქვეყნიდან გაყვანის მცდელობისთვის მოქალაქე 36 ათასი ლარით დააჯარიმეს
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის ცნობით, 36 ათასი ლარით დააჯარიმეს მოქალაქე, რომელიც კონვენციით დაცული მტაცებელი ფრინველების საქართველოდან უკანონოდ გაყვანას ცდილობდა.
გარემოსდაცვითი ზედამხედველობის დეპარტამენტის განცხადებით, მოქალაქეს 9 მტაცებელი ფრინველი (გავაზები და სონღულები), სპეციალურად გაკეთებული ხის ყუთებით, ავტობუსის საბარგულით გადაჰყავდა. „მოქალაქემ ვერ წარმოადგინა ფრინველების კანონიერად ფლობისა და ქვეყნიდან გაყვანის უფლების დამადასტურებელი შესაბამისი დოკუმენტაცია", - ვკითხულობთ განცხადებაში.
სამართალდარღვევა თითოეულ ფრინველზე 4 000 ლარით დაჯარიმებას ითვალისწინებს.
გავაზი და სონღული CITES-ის კონვენციით დაცული მტაცებელი ფრინველებია.
„გადაშენების საფრთხის წინაშე მყოფი ველური ფლორისა და ფაუნის სახეობებით საერთაშორისო ვაჭრობის შესახებ“ კონვენციის დანართებში შეტანილი სახეობების უკანონო ექსპორტის მცდელობის ფაქტი დეპარტამენტის აჭარისა და გურიის რეგიონული სამმართველოს თანამშრომლებმა ქალაქ ბათუმში, გონიოს მიმდებარედ გამოავლინეს", - ნათქვამია განცხადებაში.
ჩამორთმეული მტაცებელი ფრინველები დროებით თბილისის ზოოლოგიურ პარკს გადაეცა.საერთაშორისო ვაჭრობის დარეგულირებისა და სახეობათა გადაშენების შეუქცევადი პროცესის თავიდან აცილების მიზნით მიღებულ CITES-ის კონვენციას, საქართველო 1996 წლიდან შეუერთდა.
სიახლეები
- ბაბუშერის აეროპორტში დატრიალებული ტრაგედიიდან 32 წელი გავიდა
- “პარტიულ საქმიანობაში ჩართული არ არის” - შალვა პაპუაშვილი გომელაურზე
- “თბილისის ყველა საარჩევნო უბანზე დავამონტაჟებთ ვიდეოკამერებს - აბა, გაბედოს ვინმემ, რომ სხვადასხვა უბანზე შევიდეს, ან შევიდეს სადაც რეგისტრირებული არ არის - სისხლის სამართლის ბრალდებით დაისჯებიან” - ირაკლი კუპრაძე
- “ემანუელ მაკრონის მიერ აშშ-ის ელჩის საფრანგეთის შიდა საქმეებში ჩარევაში დადანაშაულება ჩვეულებრივი ორმაგი სტანდარტია” - კახა კალაძე
- “ევროკავშირის ელჩიც კი იყო ჩართული ჩვენი სუვერენიტეტის ხელყოფაში, არჩევნებში ჩარევის გზით” - შალვა პაპუაშვილი