მედიის, არასამთავრობო ორგანიზაციების, სამოქალაქო აქტივისტები და რიგითი მოქალაქეები მიიჩნევენ, რომ კრიტიკული ტელევიზიის ხელმძღვანელის, ნიკა გვარამიას დასჯით სასამართლომ პოლიტიკური დაკვეთა შეასრულა.

‘’როცა აქციებში ვიღებდი მონაწილეობას, ყოველთვის ვამბობდი - უარი შერჩევით სამართალს. სამართალი ზოგადად არ უნდა იყოს შერჩევითი, მაგრამ დღეს, კიდეც დავწერე სხვა რამ, ეს არ არის სამართალი, როცა საზოგადოების დიდ ნაწილში უსამართლობის განცდა ჩნდება. შესაბამისად, სასამართლოს გადაწყვეტილება იქნება თუ განაჩენი ჩემთვის ვერ იქნება მართლზომიერი, ანუ მე მჭირდებოდა მეტი მტკიცებულებები, მეტი სანდოობა და რადგან ეს ვერ მივიღე ბუნებრივია ვუერთდები ჩემი კოლეგების აზრს და ვდგავარ აქ," -განაცხადა FirstNews.ge-სთან საუბარში ჟურნალისტმა ნანა თოშხუამ.

შეგახსენებთ, რომ გვარამიას მოსამართლემ 3 წლითა და 6 თვით პატიმრობა შეუფარდა და სასამართლო დარბაზში დაკავების გადაწყვეტილება მიიღო.

გენერალურმა პროკურატურამ 2020 წლის 6 სექტემბერს, "რუსთავი 2"-ის საქმეზე ბრალი ნიკა გვარამიას, ასევე "რუსთავი 2"-ის ყოფილ ფინანსურ დირექტორს კახა დამენიასა და "ინტერ მედია პლუსის" დირექტორს ზურაბ იაშვილს წაუყენა.