როგორი ამინდია მოსალოდნელი საქართველოში
10 მაისამდე საქართველოს ტერიტორიის უმეტეს ნაწილში ნალექია მოსალოდნელი. როგორც „ინტერპრესნიუსს“ გარემოს ეროვნული სააგენტოს მონიტორინგისა და პროგნოზირების ცენტრის მოკლევადიანი პროგნოზების სამმართველოს უფროსმა, დოდო გვაზავამ განუცხადა, 7-8 მაისს, დღის პირველ ნახევარში საქართველოს უმეტეს რაიონში მოსალოდნელია წვიმა. მაღალმთიან რაიონებში ღამის საათებში თოვლჭყაპი იქნება.
„ჰაერის ტემპერატურის მნიშვნელოვანი მატება ჯერ მოსალოდნელი არ არის. 10 მაისის ჩათვლით, დასავლეთ საქართველოს დაბლობ რაიონებში მაქსიმალური ტემპერატურა დაახლოებით 10-15 გრადუსის ფარგლებში იქნება. აღმოსავლეთ საქართველოში, უმეტეს რაიონში დღეს იწვიმებს, ხვალ ინტენსივობა შესუსტდება, დღის მეორე ნახევრიდან კი უმეტეს რაიონში შეწყდება.
დედაქალაქში სუსტი წვიმა შენარჩუნდება. მოსალოდნელია დასავლეთის მიმართულების ქარი, რომელიც ქალაქის გარეუბნებში გაძლიერდება“,- აღნიშნა გვაზავამ.
სიახლეები
- თბილისში არასრულწლოვანი დაჭრეს
- ,,დეცენტრალიზაცია არის ერთ-ერთი მნიშვნელოვანი მიმართულება, რაც ვფიქრობ, რეგიონების განვითარებას უფრო მეტად შეუწყობს ხელს"- დიმიტრი ხუნდაძე
- ტრამპი აცხადებს, რომ მან თავიდან აიცილა ბირთვული ომების გაჩაღება მთელ მსოფლიოში
- შსს-ს გენერალურმა ინსპექციამ სამსახურებრივი უფლებამოსილების ბოროტად გამოყენების ბრალდებით დაცვის პოლიციის თანამშრომელი დააკავა
- იმერეთში ყველის არალეგალური საწარმოები გამოავლინეს