დედაქალაქში "თბილისობა" აღინიშნება
23-24 ოქტომბერს დედაქალაქში თბილისობა აღინიშნება.
საქართველოს სხვადასხვა კუთხიდან სოფლის მეურნეობის პროდუქციას მოქალაქეები, ფერმერები თბილისში ჩამოიტანენ. საზეიმო ნაწილი კი რაც მუსიკალურ კონცერტს გულისხმობდა, ბათუმის ტრაგედიის შემდეგ გაუქმდა და ქალაქის მთავრობის გადაწყვეტილებით, ღონისძიებისთვის გამოყოფილი ბიუჯეტი ტრაგედიის შედეგად დაზარალებულთა დახმარების ფონდში გადაირიცხება.
კახა კალაძე საპატიო თბილისელებს მაინც დააჯილდოებს. წელს ამ ჯილდოს 20 პირი მიიღებს.
"23-24 ოქტომბერს თბილისი უმასპინძლებს საშემოდგომო ნობათს, სოფლის მეურნეობის პროდუქციას საქართველოს ყველა კუთხიდან. ამისთვის გამოიყოფა სპეციალური ადგილები დედაქალაქის სხვადასხვა რაიონში. აღნიშნულ დღეებში გარევაჭრობა ნებადართული იქნება ჩუღურეთში, მეტროსადგურ მარჯანიშვილის მიმდებარე ტერიტორიაზე; სამგორში – ვიქტორ კუპრავას ქუჩის N10, ე.წ. სვანების ბაზრის ტერიტორია; გლდანში, ნოზაძის ქუჩაზე; დიდუბეში – სტანისლავსკის ქუჩაზე, („დიდუბე პლაზას“ მიმდებარე ტერიტორია); დიღმის მასივში – პაიჭაძის ქუჩა N1-ში (სკვერის მიმდებარე ტერიტორიაზე); საბურთალოზე – სპორტის სასახლის მიმდებარე ტერიტორიაზე; ვაკეში – გეგეშიძის ბაღში“, – აღნიშნა კახა კალაძემ.
სიახლეები
- “უვიზო მიმოსვლის გაუქმებას საქართველოს სიყვარულისთვის კი არა, საკუთარ თავისთვის არ იზამენ” – ხაინდრავა
- ანაკლიაში, ზღვაში ახალგაზრდა დაიხრჩო
- “ციხის საკანი რომ ადამიანის ფსიქიკაზე გავლენას ახდენს, ცნობილი ამბავია; თუმცა, ციხეში საკუთარი ნებით მოხვედრილ ვაშაძესა და გირჩ ჯაფარიძეზე ასეთი მძიმე ფორმით თუ იმოქმედებდა, არ მეგონა” – ანჯაფარიძე
- “თუ არ ცნობს ამ ხელისუფლებას, მაშინ ნუ ცნობს კალათბურთის ნაკრებს, კალათბურთის ფედერაციას, ფედერაციის ბიუჯეტს, რომელსაც სახელმწიფო ბიუჯეტი აფინანსებს”- სალუქვაძე ღირსების ორდენზე ცინცაძის უარს ეხმაურება
- 27 ივლისის ასტროლოგიური პროგნოზი