როგორც გაბუნიამ განმარტა, ქვეყანაში სოციალური და ეკონომიკური ფონი მძიმეა, რაც ლოკდაუნის შესაძლებლობას არ იძლევა.

ამასთან მისი თქმით, შეზღუდვების დაწესების აუცილებლობა არ არის, ვინაიდან ქვეყანას უკვე ვაქცინაციის შესაძლებლობა აქვს. 

"ამ ეტაპზე, ჯერჯერობით შეზღუდვების გამკაცრებაზე საუბარი არ არის, გამომდინარე იქიდან, რომ ბოლო პერიოდში საკმაოდ დიდი აქცენტი კეთდებოდა შეზღუდვების წინააღმდეგ მოსახლეობის მხრიდან სოციალური ფონი, ასევე ეკონომიკური ფონი არის საკმაოდ მძიმე, რაც ტოტალური ლოკდაუნის შესაძლებლობას ძნელად მოგვცემს და ამის აუცილებლობა დღეს არც არის, იქიდან გამომდინარე, რომ გვაქვს ვაქცინაციის შესაძლებლობა",-თქვა თამარ გაბუნიამ.