სამუშაოების მიმდინარეობას და ხარისხს კომპანიის დირექტორი გიგა მანდარია, იმერეთში სახელმწიფო რწმუნებულის მოადგილესთან ბესიკ გოფოძესთან და ადგილობრივი ხელისუფლების წარმომადგენლებთან ერთად გაეცნო.

"აღნიშნული პროექტი უკვე დასრულების ფაზაშია და ვფიქრობთ, რომ მიმდინარე წლის ბოლომდე ობიექტი ექსპულატაციაში შევა, რის შემდეგაც დაახლოებით 10 ათასამდე ადამიანს ხარისხიან წყალმომარაგებას მივაწვდით. წლის ბოლომდე, ჩვენ ასევე ვგეგმავთ  ახალი ტენდერის გამოცხადებას, რომელიც  ტყიბულში არსებული ინფრასტრუქტურის სრულ რეაბილიტაციასა  და მოწესრიგებას გულისხმობს. შესაბამისად, ჩვენ მომდევნო წლის ბოლომდე  უკვე გვექნება შესაძლებლობა, მოსახლოებას  ახალი ქსელებით, ახალი გამწმენდი ნაგებობითა და   სრულიად თანამედროვე ტექნოლოგიებით აღჭურვილი სისტემებით მოვემსახუროთ", -  განაცხადა კომპანიის დირექტორმა გიგა მანდარიამ.

ქალაქ ტყიბულში სასმელი წყლის გამწმენდი ნაგებობის მშენებლობისთვის  სახელმწიფო  ბიუჯეტიდან 4 მილიონ ლარამდე გამოიყო.

პროექტის განხორციელების შედეგად, ადგილობრივებს წლების განმავლობაში არსებული პრობლემა საბოლოოდ მოუგვარდებათ და  ხარისხიანი წყალმომარაგებით იქნებიან უზრუნველყოფილნი.