19 წლის ბიჭი სატვირთო ავტომობილიდან გადმოვარდა და ადგილზე გარდაიცვალა. 

როგორც ადგილობრივებმა განაცხადეს, უბედური შემთხვევა 30 ივნისს მოხდა. 

,,ჯარიდან ახალი ჩამოსული იყო, დაამთავრა სამხედრო სამსახური და ეს უბედურება დატრიალდა. თივის მოსატანად იყო წასული. დატვირთულ მანქანაზე იჯდა და კაკლის ხეს წამოედო. გადავარდა და ადგილზე გარდაიცვალა", - აცხადებენ სოფელში. 

როგორც შსს-ში განაცხადეს, საქმეზე გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო. რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.