სამშობიარო სახლის ადმინისტრაციის გადაწყვეტილებით, ორსულ ქალბატონებს,რომელთაც მარტში უწევთ მშობიარობა, როგორც ფიზიოლოგიური მშობიარობით, ასევე ჩვენებით საკეისრო კვეთით უფასოდ ისარგებლებენ.

კლინიკის დირექტორის ირაკლი მერკვილაძის თქმით, აქცია მარტის ბოლომდე გაგრძელდება.

"ქვეყანაში არსებული მძიმე დემოგრაფიული მდგომარეობის გამო, ჩვენმა კლინიკამ მიიღო გადაწყვეტილება, რომ ფეხმძიმე ქალს, რომელსაც მარტში მშობიარობა უწევს სრულიად უფასოდ იმშობიარებს. ასევე ეს უპრეცენდნეტო აქცია ზოგადად ქალთა და დედის დღეს და ჩვენი კლინიკის საიუბილეო თარიღს უკავშირდება. #2 ახალი სამშობიარო სახლი მარტის თვეში 5 წლის გახდა. ასე, რომ ჩვენ ვართ ერთადერთი კლინიკა, რომელიც ორსულებს მარტში უფასოდ ამშობიარებს,"- განაცხადა სამშობიარო სახლის დირექტორმა, ირაკლი მერკვილაძემ.

ახალი #2 სამშობიარო სახლი ერთადერთი კლინიკაა, რომელიც ორსულ ქალბატონებს უფასო მშობიარობას სთავაზობს.