წელს, ერთიანი ეროვნული გამოცდების შედეგად, 67-მა ქუთაისელმა აბიტურიენტმა მოიპოვა სახელმწიფოსგან სწავლის სრული დაფინანსება. ისინი სწავლას აგრძელებენ როგორც ჩვენი ქვეყნის საუკეთესო უმაღლეს სასწავლებლებში, ასევე , საზღვარგარეთაც.

გრანტოსნებს ქუთაისის მერიისგან 1000-1000 ლარი გადაეცათ. დაჯილდოების ცერემონიაში ქუთაისის მერის მოვალეობის შემსრულებელი დავით ერემეიშვილი, მერის მოადგილე გიორგი ცხაკაია, პარლამენტარი ზაზა ლომინაძე, ქუთაისის საგანმანათლებლო რესურსცენტრის ხელმძღვანელი მაია ცქიტიშვილი და ადგილობრივი ხელისუფლების სხვა წარმომადგენლები მონაწილეობდნენ.

ქუთაისის მუნიციპალიტეტში 100%--იანი გრანტის მფლობელ ახალგაზრდებს 2023 წლიდან აჯილდოებენ. ღონისძიება ქუთაისის მერიის კულტურის, სპორტის, განათლებისა და ახალგაზრდობის საქმეთა სამსახურის მიერ იყო ორგანიზებული.