ფოთში გამართულ ოლიმპიური პრიზიორის ვლადიმერ ჭანტურიას სახელობის საერთაშორისო ტურნირში 2011-2012 წელს დაბადებული სპორტსმენები მონაწილეობდნენ.

ა(ა)იპ სპორტულ დაწესებულებათა გაერთიანების, აკაკი კაკაურიძის სახელობის #18 სპორტსკოლის მოკრივეებმა შეჯიბრში საუკეთესო შედეგები აჩვენეს.

ტურნირზე ქუთაისელმა მოკრივეებმა 5 ოქრო, 4 ვერცხლი და 3 ბრინჯაოს მედალი მოიპოვეს.

ადგილობრივი თვითმმართველობის ხელმძღვანელებმა ახალგაზრდა სპორტსმენებს გამარჯვება მიულოცეს და მხარდაჭერა აღუთქვეს.