ქუთაისის მუნიციპალიტეტის მერია ახორციელებს ქალაქ ქუთაისის მუნიციპალიტეტსა და საქართველოში ევროკავშირის დელეგაციას შორის საგრანტო ხელშეკრულებით გათვალისწინებულ პროექტს „ქუთაისი: ინტეგრირებული ტრანსფორმაცია მდგრადი განვითარებისათვის“.

პროექტის ზოგადი მიზანია ქუთაისის გადაქცევა კარგ საცხოვრებელ და საინვესტიციო ქალაქად. კონკრეტულად კი, ქუთაისის, იმერეთის, გურიის და რაჭა-ლეჩხუმისა და ქვემო სვანეთის მუნიციპალიტეტებში შესაძლებლობის შექმნა ქვეყნის ინტეგრირებულ ტერიტორიულ განვითარებაში წვლილის შესატანად.

პროექტი ეხმარება ქუთაისის მუნიციპალიტეტს შექმნას პირობები ქალაქში სოციალური ინკლუზიურობის, ბიზნესის განვითარებისა და შემოსავლის მისაღებად.

პროექტის აქტივობებს წარმოადგენს:
მოსახლეობის სოციალური აქტივიზაციის, სამოქალაქო საზოგადოების ორგანიზაციების ჩართულობის და დასაქმების შესაძლებლობების შესანარჩუნებლად მესამე მხარის ფინანსური მხარდაჭერა;

ადგილობრივი პროდუქტების გადამუშავების, ტექნოლოგიების და სერვისების, აგრეთვე გასაღების ახალი არხების გამოსაყენებლად მესამე მხარის ფინანსური მხარდაჭერა ;

ქალაქ ქუთაისისთვის ისტორიულად მნიშვნელოვანი პროდუქტებისა და სერვისების აღსადგენად/შესანარჩუნებლად მესამე მხარის ფინანსური მხარდაჭერა.

სამივე აქტივობის ფინანსური მხარდაჭერა გაიცემა კონკურსის საშუალებით.

კონკურსში მონაწილეობის მსურველებს განაცხადის წარმოდგენა შეუძლიათ 2024 წლის 09 სექტემბრიდან 2024 წლის 29 სექტემბრის 18 : 00 საათამდე.

ვრცლად კონკურსის შესახებ იხილეთ ბმულზე:
http://kutaisi.gov.ge/open_konkursebi/79