"აღარ არის იწილო-ბიწილოს დრო, დღეს ქვეყანა გადასარჩენია. იქ მივდივართ და ვდგავართ იმისთვის, რომ ქვეყანა გადავარჩინოთ, რომ ჩვენ არ დავრჩეთ რუსეთის ქვეშ. ჩვენ რუსეთის გავლენის ქვეშ უკვე ვართ, ეს ქვეყანა მოექცა რუსული გავლენის ქვეშ, მაგრამ ამის წინააღმდეგ უნდა ვიბრძოლოთ. ქართველმა ხალხმა უნდა შევძლოთ და ვუთხრათ რუსებს არა და დავიბრუნოთ ჩვენი ქვეყანა. აი, ამისთვის მივდივართ თბილისში. კიდევ ერთხელ, ვიტყვი ეს კანონი დაუყოვნებლივ უნდა იყოს გაწვეული უკან, ეს არის ჩვენი ნომერ პირველი ამოცანა.

ამ ქვეყნისთვის გვიძგერს გული. მსგავსი რამ არ უნდა განმეორდეს საქართველოში. ეს ქვეყანა არის გადასარჩენი. მერწმუნეთ ბევრი გამოცდილება მაქვს, ბევრ სამსახურთან მქონდა შეხება, ორგანიზაციებთან მიმუშავია, მათ განვითარებაზე მიზრუნია, მაგრამ თუ შინაარსი არ ჩაიდო რაღაც ფორმალობა გამოდის. აღარ არის თავის მოტყუების დრო, თითქოს რაღაც საბჭო არსებობს ამ საბჭოში ხალხი რაღაცას ვაკეთებთ. უშიშროებიდან დანიშნული ტიპები გვიწყვიტავენ რა უნდა გავაკეთოთ. ეს ყველაფერი ფუტლიარია, რასაც ვუყურებთ. დროა ჩვენ, ხალხმა, დავიბრუნოთ ხელისუფლება,"- განაცხადა FirstNews.ge-თან საუბარში ქუთაისის დემოკრატიის სკოლის კოორდინატორმა მათე ჩაფიჩაძემ.

შეგახსენებთ, რომ თბილისში, პარლამენტის შენობის წინა და უკანა მხარეს მოქალაქეებმა 17:00 საათიდან დაიწყეს შეკრება.