„ქუთაისში აქტიურად მიმდინარეობს ქარისგან დაზიანებული სახურავების აღდგენა" - იოსებ ხახალეიშვილი
ქუთაისის მერმა იოსებ ხახალეიშვილმა ორშაბათის სამუშაო შეხვედრა გამართა მერიის სამსახურების და ადმინისტრაციული ერთეულების ხელმძღვანელებთან. შეხვედრას ესწრებოდნენ მერის მოადგილეები.
მერმა ძლიერი ქარით დაზიანებულ შენობებზე მიმდინარე აღდგენითი სამუშაოების შესახებ შესაბამისი სამსახურებისგან მიიღო ინფორმაცია.
„ქუთაისში აქტიურად მიმდინარეობს ქარისგან დაზიანებული სახურავების აღდგენა. სწორედ ამ საკითხზე საუბრით დავიწყეთ ორშაბათის სამუშაო შეხვედრა. რამდენიმე დღის წინ დავიწყეთ ქალაქში დაზიანებული კორპუსების შეკეთება, უმეტესად მთლიანად შესაცვლელია სახურავები და ეს პროცესი უცებ ვერ დასრულდება, მით უმეტეს, რომ ამინდიც არ გვიწყობს ხელს.
სახურავის აღდგენა მიმდინარეობდა ნიკეას ქუჩაზე მდებარე სოციალურ საცხოვრისშიც, მაგრამ გუშინ გაწვიმდა და ჩვენ საცხოვრისის მობინადრეები დროებით გადავიყვანეთ სასტუმროში. როგორც კი დასრულდება საცხოვრისის სახურავის შეკეთება, მათ ისევ დავაბრუნებთ თავიანთ ბინებში,“- განაცხადა იოსებ ხახალეიშვილმა.
თათბირზე ისაუბრეს ქალაქში დაგეგმილი ინფრასტრუქტურული პროექტების მიმდინარეობაზე.
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"