ბათუმში მუშა მაღალსართულიანი კორპუსიდან გადმოვარდა
ბათუმში, ანგისის დასახლებაში, ერთ-ერთი მაღალსართულიანი კორპუსის, მე-14 სართულიდან მუშა გადმოვარდა. ადგილზე მისულ სასწრაფო დახმარების ჯგუფს 50 წლამდე კაცი გარდაცვლილი დახვდა.
შემთხვევა დღეს დილით, დაახლოებით 11:00 საათზე მოხდა.
არსებული ინფორმაციით, კორპუსი უკვე დასრულებული იყო და კაცი, რომელიც შენობიდან გადმოვარდა, ერთ-ერთ ბინაში სარემონტო სამუშაოებს ატარებდა.
შინაგან საქმეთა სამინისტრომ გამოძიება დაიწყო.