დღეს ქუთაისში დასაქმების ფორუმი გაიმართა
დღეს, ქუთაისში დასაქმების ფორუმი გაიმართა. 50-მდე მსხვილი კომპანია სამუშაოს მაძიებელ პირებს 400-მდე ვაკანტურ ადგილს სთავაზობდა.
ფორუმზე წარმოდგენილი იყო სამუშაო ადგილები გაყიდვების, სადაზღვევო, ვაჭრობის, კვების წარმოების, სასტუმროსა და სარესტორნო ინდუსტრიებიდან.
"დასაქმების ხელშეწყობის სახელმწიფო სააგენტოს ორგანიზებით აკაკი წერეთლის სახელმწიფო უნივერსიტეტში დასაქმების ფორუმი გაიმართა. ფორუმის მიზანი იყო იმერეთის რეგიონში მცხოვრები დასაქმების მსურველი მოქალაქეებისა და რეგიონში მოქმედი დამსაქმებლების შეხვედრა. დღეს, ფორუმზე სამუშაოს მაძიებლებს ჰქონდათ შესაძლებლობა შეხვედროდნენ 50-მდე პოტენციურ დამსაქმებელს, გაეცნოთ სასურველი ვაკანსიები და წარმოეჩინათ საკუთარი უნარები პირისპირ კომუნიკაციის გზით დამსაქმებელთან.
სამუშაოს მაძიებლებს შეუძლიათ მივიდნენ დასაქმების ხელშეწყობის სახელმწიფო სააგენტოს ქუთაისის ოფისში და დეტალური ინფორმაცია მიიღონო, გალაკტიონ ტაბიძის 40 ნომერში," - განაცხადა FirstNews.ge-თან საუბარში დასაქმების ხელშეწყობის სახელმწიფო სააგენტოს იმერეთის წარმომადგენელმა ეკა ლეჟავამ.
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"