აქციის მონაწილეებმა ქუთაისში, თეთრ ხიდზე ყვავილებითა და სანთლებით პატივი მიაგეს უკრაინის ქალაქ ბუჩაში დაღუპული მოქალაქეების ხსოვნას. მათ უკრაინის ქალაქ ბუჩაში, რუსი ოკუპანტების მიერ განხორციელებული ძალადობა დაგმეს და უკრაინელებს სოლიდარობა გამოუცხადეს.

 
,,წარმოუდგენელია გულგრილად უყურო იმას, რაც უკრაინაში ხდება. ეს არის სისასტიკე. რუსი ოკუპანტები ბავშვებს და ქალებს ხვრეტენ. მოვედით აქ,რათა პატივი მივაგოთ დაღუპულთა ხსოვნას,"- აცხადებს FirstNews.ge-თან საუბარში ჟურნალისტი ქეთევან ბერძენიშვილი.

აქციაში რიგითი მოქალაქეები, სამოქალაქო აქტივისტები და ოპოზიციური პარტიების წარმომადგენლები მონაწილეობდნენ.