შინაური ცხოველების დარეგისტრირება ქუთაისში სავალდებულო გახდება
ქუთაისის მუნიციპალიტეტის საკრებულომ ბიუროს ფორმატში რიგით მე-4 სხდომის საკითხები განიხილა.
სხდომას საკრებულოს თავმჯდომარე, ირაკლი შენგელია უძღვებოდა.
სხდომაზე განსახილველ საკითხებს შორის იყო, ქალაქ ქუთაისის მუნიციპალიტეტის ტერიტორიაზე შინაური ცხოველების ყოლის წესის დამტკიცება.
ქუთაისის საკრებულომ აღნიშნული საკითხის განხილვის შემდეგ,ქალაქის ტერიტორიაზე შინაური ცხოველების ყოლის შესახებ ახალი დებულება დაამტკიცა.
დებულების მიხედვით, შინაური ცხოველის დარეგისტრირება სავალდებულო გახდება. გადაწყვეტილების გამოქვეყნებიდან ერთ თვეში მეპატრონეები ცხოველის დარეგისტრირებას ვეტ-კლინიკებსა და სხვადასხვა დაწესებულებაში შეძლებენ. რეგისტრაციის პროცესს კი მონიტორინგს ააიპ ,,სპეციალური სერვისები’’ გაუწევს.
თუ ცხოველის დარეგისტრირება არ მოხდება, ამ შემთხვევაში მეპატრონე დაჯარიმდება. დებულება ეხება როგორც წვრილფეხა და მსხვილფეხა შინაურ ცხოველებს, ასევე ძაღლებსა და კატებს.
ჯარიმის თანხა 20 ლარს შეადგენს, განმეორების შემთხვევაში - 50 ლარს.
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"