ქუთაისის მერია, კიდევ ერთხელ გამოთქვამს მწუხარებას ბათუმში მომხდარი ტრაგედიის გამო და თანაუგრძნობს დაღუპულთა ოჯახის წევრებს და ახლობლებს.

მერიის განცხადებით, ოქტომბრის თვეში დაგეგმილ კულტურული ღონისძიებებისთვის განსაზღვრული თანხა - 35 000 ლარი ბათუმის დახმარების ფონდში გადაირიცხება.

"ვიზიარებთ იმ ტკივილს, რომელსაც ბათუმი და სრულიად საქართველო განიცდის.

სოლიდარობის ნიშნად, ქუთაისის მერია ოქტომბერში დაგეგმილ 4 კულტურულ ღონისძიებას აუქმებს.
თანხა, რომელიც ამ აქტივობებისთვის იყო გამოყოფილი, ტრაგედიის დროს გარდაცვლილთა და დაზარალებულთა დახმარების ფონდში გადაირიცხება,"- ნათქვამია ქუთაისის მერიის განცხადებაში.