ოთო კვალიაშვილი კულტურის ააიპში წამყვანი სპეციალისტის პოზიციაზე მუშაობდა.

13 ივლისს მედიის წარმომადგენლები "ტვ პირველის" გარდაცვლილი ოპერატორის ლექსო ლაშქარავას პატივსაცემად მდუმარე აქციას მართავდნენ. როგორც მედიის წარმომადგენლები აცხადებენ, ოთო კვალიაშვილმა აქციაზე მათ სიტყვიერი შეურაცხყოფა მიაყენა და პროვოკატორები უწოდა.

მომხდარი ქუთაისის მერმა იოსებ ხახალეიშვილმა შეაფასა და  და შემთხვევას უსიამოვნო ფაქტი უწოდა.

"მე დავიწყებ ზოგადი ინფორმაციით და ვიტყვი, რომ კანონის წინაშე ვალდებული ვართ ყველა. საქართველოს აბსოლუტურად ყველა მოქალაქე. რა თქმა უნდა, ჟურნალისტებზე და ნებისმიერი ძალადობა არის მიუღებელი და ჩვენ მას ვგმობთ. მე როგორც მაქვს ინფორმაცია, ამ პიროვნებად დაწერა განცხადება სამსახურიდან წასვლის შესახებ. ამ შემთხვევაში ეს იყო უსიამოვნო ფაქტი არა მხოლოდ ჟურნალისტების, არამედ მერიისა და თვითმმართველობის მიმართ,"-განაცხადა FirstNews.ge- თან საუბარში იოსებ ხახალეიშვილმა.

მერიაში განმარტავენ, რომ 13 ივლისს ოთო კვალიაშვილი ერთი დღით განცხადების საფუძველზე გათავისუფლებული იყო.