84 წლის ასაკში გარდაიცვალა საზოგადო მოღვაწე, ქართული სპორტის მკვლევარი, ქუთაისის საპატიო მოქალაქე ზურაბ ჯავახაძე. მას კორონავირუსი რამდენიმე დღის წინ დაუდგინდა და ქუთაისის ინფექციურ კლინიკაში მკურნალობდა.  თანმდევი დაავადებების გამო ექიმებმა მისი გადარჩენა ვერ შეძლეს. ქუთაისის ინფექციური კლინიკის სამედიცინო დირექტორის ნოდარ მაღლაფერიძის განცხადებით, კლინიკაში ამ დროიდთვის 83 კოვიდინფიცირებული მკურნალობს,მათგან მძიმეა 4 პაციენტის მდგომარეობა.