გამოფენაზე წარმოდგენილი იყო გეგას 45-მდე ნამუშევარი, რომელიც სხვადასხვა ჟანრშია შესრულებული. გამოფენაზე იმყოფებოდნენ ქუთაისის მერი მოადგილე ნინო თვალთვაძე და მაჟორიტარი დეპუტატი გენადი მარგველაშვილი.

კომპანიებთან და მოქალაქებთან ერთად  ნახატები შეიძინეს ქუთაისის მერმა, მერის მოადგილემ, საკრებულოს თავმჯდომარემ და ქუთაისის მაჟორიტარმა-დეპუტატმა.

შეგახსენებთ, რომ ვან-გეგა საქართველოს მასშტაბით 9 კონკურსის გამარჯვებულია, ის ასევე პირველად მოხვდა, ჩვენი ქვეყნის სახელით მსოფლიოს გლობალურ კონკურსზე Toyota dream car art მსოფლიო ათეულში. მისი ნამუშევარი 650 000 ნახატიდან შეირჩა და საუკეთესო მოტივირებულ მხატვრულ ნაშრომად დასახელდა. გეგამ ხატვა 3 წლის ასაკში დაიწყო. ხატავდა ანიმაციის გმირებსა და რელიგიურ პერსონაჟებს. ბოლო პერიოდში გატაცებულია, კუბიზმით, აბსტრაქციით, ავანგარდით, ხატავს ფანქარში, აკრილსა და ზეთში .