როგორც ხაზარაძე ამბობს, მას შეხვედრაზე ფოტოს გადაღება სთხოვეს, რა დროსაც პირბადე მოიხსნა. შემდეგ აღმოჩნდა, რომ იქ მყოფ ერთ-ერთ პირს კორონავირუსი დაუდასტურდა.

"გუშინ მომცა დაბალი სიცხე, მე ვფიქრობ, რომ ეს მოხდა ერთ-ერთ შეხვედრაზე სადაც მთხოვებს სურათის გადაღება და იქ მოვიხსენი ნიღაბი. მერე აღმოჩნდა, რომ იქ ერთ-ერთს დაუდასტურდა. ამჟამად ჩვენი გუნდის წევრები გადადიან თვითიზოლაციაში და მასობრივად იკეთებენ ტესტირებას, ვისაც კი ჩემთან შეხება ჰქონდა. იმედია კორონავირუსს მალე დავამარცხებთ, მანამდე კი პროცესში ონლაინ ვიქნებით ჩართული", - განაცხადა მამუკა ხაზარაძემ.