ამის შესახებ ინფექციური პათოლოგიისა და შიდსის ცენტრის დირექტორმა თენგიზ ცერცვაძემ განაცხადა. მისი განცხადებით, პრეპარატზე მუშაობა ფაქტობრივად დასრულებულია და გამოშვებამდე კლინიკური კვლევის დასკვნითი ეტაპია დარჩენილი.

ცერცვაძის თქმით, კვლევებით დადასტურებულია, რომ წამალს ინფექციის გართულების რისკები 50%-დან 90%-მდე შეუძლია შეამციროს.

„მედიკამენტების კლინიკური გამოცდა თითქმის დასრულდა. ასევე კვლევებით დასტურდება, რომ მედიკამენტები პაციენტმა დიაგნოზის დასმისთანავე უნდა მიიღოს და ასეთ შემთხვევაში დამძიმების რისკები, 50%-დან 90%-მდე მცირდება, შესაბამისად, მცირდება ჰოსპიტალიზაციისა და სიკვდილობის რისკები“, - განაცხადა ცერცვაძემ.