ახლა უკვე "მიუ" შტამის სახელით ცნობილი კორონავირუსის  მუტაცია პირველად 2021 წლის იანვარში, კოლუმბიაში დააფიქსირეს. 

ამჟამად მსოფლიოში "მიუ" შტამით სულ 3,7 ათასი ადამიანი დაავადდა. ყველაზე მეტი შემთხვევა დაფიქსირდა ცენტრალური და ლათინური ამერიკის ქვეყნებში, ასევე შეერთებულ შტატებში.

კოლუმბიაში, მიუ ვარიანტი დომინირებს და COVID-19– ს გამოვლენილი შემთხვევების 39%-ზე მეტს შეადგენს. გარდა ამისა, შტამი უკვე ნაპოვნია ევროპის მრავალ ქვეყანაში, მათ შორის ესპანეთში, იტალიაში, ბელგიასა და ნიდერლანდებში.