რა ასაკის ბავშვებისთვის არის განსაკუთრებით სახიფათო დელტა შტამი - პედიატრის განმარტება
კლინიკაში გვყავს 3, 5, 10 დღის ჩვილები, - ამის შესახებ ციციშვილის კლინიკის კლინიკურმა დირექტორმა მაია ჩხაიძემ განაცხადა.
მისი თქმით, კორონავირუსის დელტა ვარიანტი განსაკუთრებულად საშიშია ჩვილებისთვის, ხოლო ვირუსის წყარო მათთვის ძირითადად ოჯახის წევრები არიან.
"წლამდე ასაკის ბავშვებთან დაკავშირებით, პროტოკოლშიც გვიწერია, რომ როდესაც კორონავირუსული ინფექცია გამოვლინდება ოჯახის ექიმებმა ბინის პირობებში შეიძლება ვერ მართონ პაციენტი. წლამდე ასაკის ბავშვები არიან განსაკუთრებით სახიფათო დელტა შტამის შემთხვევაში. მოზრდილი ბავშვები შესაძლოა ბინის პირობებში იმართოს, მაგრამ ახალშობილები და ჩვილები არიან ყველაზე მოწყვლადი. მათ ძირითადად მშობელი და ოჯახის წევრები გადასცემს ინფექციას, ახალშობილს სხვა კონტაქტები არ აქვს. მათი იმუნური სისტემა ჯერ ჩამოუყალიბებელია, ასევე მათი ორგანოების ანატომიური თავისებურებებიდან გამომდინარე, ყველა დაავადების მიმართ ისინი ძალიან მგრძნობიარენი არიან. თუ ძუძუთი კვებაზეა ბავშვი და დედას აქვს გადატანილი ინფექცია, რაღაც დოზით მას ანტისხეულები და იმუნიტეტი გადაეცემა, მაგრამ ჩვენ შემთხვევაში, მშობლები, რომლებიც ბავშვებთან ერთად მკურნალობენ ჩვენთან, მათი 99.9% არავაქცინირებულია," - განაცხადა მაია ჩხაიძემ ტელეკომპანია "ფორმულას" ეთერში.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა