ამდენად, ყველაზე ქმედითი და ეფექტური საშუალება, რაც პრევენციის მიზნით შესაძლებელია რომ გამოყენებული იქნას, ეს არის პირბადის გამოყენება, როგორც გარე სივრცეში, ასევე დახურულ სივრცეში, – ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.

მისი თქმით, პირბადის გამოყენება დღეს საქართველშო 50%-ან ნიშნულზეა, რაც მინიმიმ 30 პროცენტით გაუმჯობესებას საჭიროებს.

"ჩვენი ძალიან მყარი და მკაცრი რეკომენდაცია არის ის, რომ ყველა მოქალაქე დაუბრუნდეს პირბადის გამოყენებას, მიუხედავად იმისა, ვინმე ამ პირბადის გამოყენებასთან დაკავშირებით შენიშვნას მისცემს თუ არა, დააჯარიმებს თუ არა და ა.შ. მთავარია აღსრულდეს ეს წესი. დღეს ვართ პირბადის გამოყენების დაახლოებით 50-პროცენტიან ნიშნულზე, თუ გავაუმჯობესებთ თუნდაც 30 პროცენტით, მნიშვნელოვანი ცვლილება იქნება, როგორც ინფიცირების შემთხვევების გავრცელებაში, ასევე სიკვდილიანობის მაჩვენებელი პირდაპირ უკავშირდება ინფიცირების შემთხვევებს“, – განაცხადა გაბუნიამ.