გაბუნიას განცხადებით, ვაქცინის ყველა მწარმოებელი ადასტურებს, რომ ბაზარზე არსებული ვაქცინები "ინდურ შტამსაც" ფარავს. 

"ინდური შტამის" არც ერთი შემთხვევა ამ დროისთვის ქვეყანაში დაფიქსირებული არ არის. რაც შეეხება ვაქცინის ეფექტურობას ახალ შტამებთან და განსაკუთრებით "ინდურ შტამთან" მიმართებაში, ჯერჯერობით ყველა მწარმოებელი ადასტურებს, რომ ის ვაქცინები, რომელიც ბაზარზეა შემოსული, თანაბრად ეფექტურია. "ფაიზერმა" დაადასტურა, რომ მისი ვაქცინა მაღალ ეფექტურია ყველა შტამთან მიმართებაში. სხვა მწარმოებლები ამბობენ, რომ შესაძლოა იყოს გარკვეული შესუსტება ეფექტურობის, მაგრამ ზუსტად რაზეა საუბარი ამისი თქმა ჯერჯერობით კვლევებით უნდა დადასტურდეს. ყველა მიყვება იმ რეკომენდაციას, რომ ვაქცინა ეფექტურია ყველა შტამის შემთხვევაში და ჩვენც იგივე რეჟიმში ვაგრძელებთ ვაქცინაციის პროგრამას", - განაცხადა თამარ გაბუნიამ.